O alcalde recibe a Xosé Ramón Barreiro, presidente da Real Academia Galega

Caballero e Barreiro Fernández barallaron a posibilidade de que a RAG celebre o 26 de xaneiro no Pazo de Castrelos unha reunión na que se lerá o discurso que Álvarez Blázquez pronunciou en 1962 con motivo do seu ingreso na Academia. Este discurso non chegou a publicarse no seu día, e o daquela alcalde de Vigo, José Ramón Fontán, propúxolle ao académico realizar un acto na nosa cidade onde podería proceder á súa lectura, acto que finalmente non puido ter lugar debido ao pasamento de Fontán.