Escoitar

Conferencia sobre o uso das novas tecnoloxías

A concelleira de Participación Cidadá , Marta Iglesias, presenta o sábado a conferencia "Internet. A información como apoio a busca de emprego e o estudio", ás 10:30 no Centro de Internet Municipal do local da Unión Veciñal Cultural e Deportiva de Candeán.

venres, 31 mar 2006
1143805548futuro8.jpg
Coa conferencia pretendese explicar, dun xeito fácil e práctico, cómo acceder á información e a busca de emprego e presentar os portais xeneralistas máis comúns e os de busca de emprego. As persoas asistentes coñecerán, de forma práctica mediante conexión a internet en banda ancha, como acceder ó portal de emprego municipal mostrando como darse de alta, introducir un curriculum vitae, buscar ofertas de emprego e mostrará a potencialidade do mesmo e doutros portais permitindo a inscrición para recibir boletíns electrónicos, etc.

A conferencia, subvencionada pola Asociación para o Desenvolvemento Rural da Mancomunidade da Área Intermunicipal de Vigo (ADR-MAIV), dentro do programa PRODER II de "Sensibilización cara ás Novas Tecnoloxías da Información e Comunicación", estará a cargo da Imelda Barrio, coordinadora do Plan de Emprego Municipal.
Descargar todas as imaxes