PP e BNG rexeitan a proposta socialista de destinar máis solo a vivendas de protección pública
O Consello da Xerencia Municipal de Urbanismo rexeitou hoxe xoves unha moción do PSdeG-PSOE na cal se demandaba a incorporación ao Plan Xeral dunha reserva do 25% da edificafilidade residencial para contruír vivendas de protección pública. PP e BNG votaron en contra argumentando que isto retrasaría a tramitación do PXOM.
Na defensa da moción dos socialistas, Mauricio Ruiz referiuse á futura Lei do Solo estatal anunciada pola ministra da Vivenda, que de ser aprobada "obrigará as comunidades autónomas a reservar un mínimo do 25% do solo para vivendas de protección oficial".
Segundo expuxo Ruiz, esta medida xa foi superada por algunhas figuras de planeamento urbanístico, adoptadas en comunidades autónomas como Aragón e Andalucía e por concellos como San Sebastián e Santiago. O Plan Xeral que se está a tramitar nesta cidade, por exemplo, garante que un 38% das 35.000 novas vivendas previstas sexa de protección pública.
O concelleiro do PSdeG-PSOE afirmou que "chama a atención que en Vigo se limite (esta porcentaxe) ao mínimo legal" do 20%. Por iso, e "como medida de consenso", propuxo a inclusión dunha reserva do 25% no PXOM, sinalando ademais que "esta medida non suporía paralizar o proceso de aprobación", xa que só requeriría "axustes técnicos" e non comportaría, dixo, ningunha outra exposición pública.
No entanto, o representante do PP, José Manuel Figueroa, asegurou que a aprobación da proposta socialista "pode producir un retraso na tramitación do PXOM" de entre cinco a sete meses, e que o seu grupo quere "sacalo adiante nos seus prazos" porque o considera "necesario para o desenvolvemento" de Vigo. Figueroa engadiu que o lugar máis apropiado para presentar esta moción é a Comisión de Seguimento.
Pola súa parte, Xabier Toba, do BNG, definiu a proposta defendida polo PSdeG-PSOE como un "intento de retrasar o Plan Xeral". Á suposta manobra dos socialistas, Toba contrapuxo a necesidade de non "quedar parados agardando modificacións legais". Neste mesmo sentido, lembrou que a reserva do 20% recollida no PXOM que se está a tramitar "foi debatida hai tres anos" e acordada "por todos os grupos".
En representación do PG, Manoel Soto xustificou a súa abstención criticando o PSdeG-PSOE por poñer a súa moción enriba da mesa "de súpeto". Soto recomendou deixala en suspenso para estudala "con vagar".
Descargar todas as imaxes
Segundo expuxo Ruiz, esta medida xa foi superada por algunhas figuras de planeamento urbanístico, adoptadas en comunidades autónomas como Aragón e Andalucía e por concellos como San Sebastián e Santiago. O Plan Xeral que se está a tramitar nesta cidade, por exemplo, garante que un 38% das 35.000 novas vivendas previstas sexa de protección pública.
O concelleiro do PSdeG-PSOE afirmou que "chama a atención que en Vigo se limite (esta porcentaxe) ao mínimo legal" do 20%. Por iso, e "como medida de consenso", propuxo a inclusión dunha reserva do 25% no PXOM, sinalando ademais que "esta medida non suporía paralizar o proceso de aprobación", xa que só requeriría "axustes técnicos" e non comportaría, dixo, ningunha outra exposición pública.
No entanto, o representante do PP, José Manuel Figueroa, asegurou que a aprobación da proposta socialista "pode producir un retraso na tramitación do PXOM" de entre cinco a sete meses, e que o seu grupo quere "sacalo adiante nos seus prazos" porque o considera "necesario para o desenvolvemento" de Vigo. Figueroa engadiu que o lugar máis apropiado para presentar esta moción é a Comisión de Seguimento.
Pola súa parte, Xabier Toba, do BNG, definiu a proposta defendida polo PSdeG-PSOE como un "intento de retrasar o Plan Xeral". Á suposta manobra dos socialistas, Toba contrapuxo a necesidade de non "quedar parados agardando modificacións legais". Neste mesmo sentido, lembrou que a reserva do 20% recollida no PXOM que se está a tramitar "foi debatida hai tres anos" e acordada "por todos os grupos".
En representación do PG, Manoel Soto xustificou a súa abstención criticando o PSdeG-PSOE por poñer a súa moción enriba da mesa "de súpeto". Soto recomendou deixala en suspenso para estudala "con vagar".