O Concello mantén o prezo do transporte urbano para 2026
A Xunta de Goberno Local aprobou este martes a solicitude de axudas directas ao transporte público do Goberno de España, que permitirá que as tarifas dos billetes se manteñan como en 2025.
O alcalde valorou a conxelación dos prezos do transporte urbano da cidade en 2026, xa que manteñen a tarifa de 2025. Tal e como explicou, o Goberno de España continúa subvencionando o transporte público e o Concello de Vigo tamén, mentres a Xunta de Galicia non subvenciona nada.
Así, os usuarios da PassVigo pagarán o mesmo que ata o de agora polo billete e o ordinario, sen deduccións queda en 1,63 euros.
As tarifas do transporte urbano de Vigo quedan como segue:
• Billete ordinario: 1,63€ - non se aplica desconto
• Menores de 15 anos: gratis
• Pensionistas seguen viaxando gratis con desconto Concello
• PassVigo: o usuario paga 0,67 euros (paga un 41% do custo); o Concello asume 0,74 céntimos (subvencionando un 45,5%) e o Goberno de España achega 0,22 (subvenciona un 13,5%).
O Concello estima que o vindeiro ano, o transporte urbano da cidade acadará os 19,6 millóns de usuarios achegando 14 millóns de euros á subvención dos billetes dos usuarios da PassVigo.