O Concello colabora na difusión do centro comercial aberto no Casco Vello
A Comisión de Goberno ven da aprobar o texto do convenio de colaboración entre o Concello de Vigo e a Asociación de Comerciantes "Os Peiraos" para a difusión do Centro Comercial Aberto "Vigo Vello" mediante elementos de sinalización horizontal e vertical que sirvan como identificadores do mesmo, así como a colocación na fachada dos establecementos asociados dunha placa identificativa de aceiro inoxidable.
A actividade comercial é un dos principais elementos de dinamización económica nos procesos de rehabilitación urbana. O proxecto de Centro Comercial Aberto do Casco Vello de Vigo, elaborado a instancias da Asociación de Comerciantes Vigo Vello, representa unha decidida acción de revitalización comercial desta zona da cidade que se atopa en pleno proceso de recuperación urbanística, social e cultural.
Habida conta o interese mutuo no desenvolvemento económico da zona e considerando que a sinalización proposta transcende dos intereses directos dos comerciantes asociados para acadar un obxectivo público no proceso de rehabilitación urbana do Casco Vello, o Concello de Vigo entende que cómpre unha colaboración neste sentido entre as dúas entidades.
Descargar todas as imaxes
Habida conta o interese mutuo no desenvolvemento económico da zona e considerando que a sinalización proposta transcende dos intereses directos dos comerciantes asociados para acadar un obxectivo público no proceso de rehabilitación urbana do Casco Vello, o Concello de Vigo entende que cómpre unha colaboración neste sentido entre as dúas entidades.