Escoitar

Vigo participa no Salón Náutico de Barcelona

Turismo de Vigo estará presente no Salón Náutico de Barcelona que se celebra entre os días 1 e 9 de novembro no recinto feiral de Montjuic. Vigo participará cun amplo espacio dentro do pavillón de Turgalicia, onde mostrará toda a súa oferta en xeral e a de turismo náutico en particular.

mércores, 29 out 2003
1067437366esqui.jpg
Esqui acuático
Vigo conta cunha base náutica situada no Vao que pon a disposición dos usuarios cursos e aluguer de catamaráns a vela, windsurf, esquí acuático, buceo e piraguas. A oferta turística que oferta Vigo en Barcelona inclúe paquetes de viaxe con aloxamento e actividades náuticas con aluguer de embarcacións e de equipos.

O Salón Náutico de Barcelona ten un feito diferencial fronte a outros eventos das mesmas características e é que conta tanto cunha superficie en seco como un espacio na auga para as embarcacións de gran eslora. Na súa última edición participaron máis de 500 expositores en 60.000 m2 de exposición e xerou durante os nove días de exposición o 70% das ventas de embarcacións do país. A cifre de visitantes elevouse a 165.000, o que a converte na cita náutica española máis importante do ano.
Descargar todas as imaxes