Caballero anuncia unha “gran” Cabalgata de Reis Magos
O azul do mar e a fantasía impresas en cada unha das carrozas, desde onde as súas maxestades os Reis Magos poboarán o día 5 de xaneiro a ilusión de nenos e maiores, configuran a “gran” Cabalgata de 2024, coa que Vigo volve superarse “. Así o anunciou este martes Abel Caballero ao lembrar que a comitiva real, que leva por título “Mar e Fantasía”, conta con 5 “espléndidas” carrozas municipais, e que desde o Concello estase “atento” á previsión meteorolóxica, xa que a situación “pinta complicada” pola mañá, e un pouco mellor a últimas horas da tarde. Adiantou que a hora de saída da Cabalgata móbil mantense provisionalmente ás 6 da tarde, coa posibilidade de aprobar cambios entre o mércores e o xoves, en función de como evolucione a previsión de choiva.
Abel Caballero lembrou que Vigo contará de novo con dúas cabalgatas: unha estática e a móbil tradicional. Estarán integradas por 9 carrozas. Destas, 5 son municipais: Policía Local, Carteiro Real, Melchor, Gaspar e Baltasar, e 4 realízanse en colaboración con empresas privadas.
A Cabalgata estática poderá contemplarse entre as 11 da mañá as 14.000 horas na Avenida Castelao. O alcalde lembrou que a Cabalgata tradicional arrincará ás 18,00 horas desde a Avda de Castelao, para discorrer por Praza América, Camelias, rúa Álvaro Cunqueiro, Camelias e finalizar na rotonda do Bicentenario.
A comitiva real estará acompañada por 14 animacións, “con grupos que encadean a fantasía, a música e a danza, para que os menores gocen das carrozas e da propia animación”. Apuntou a participación de preto de 500 persoas entre toda a mobilización que reúne a miles de persoas.
Caballero indicou que se repartirán 4.000 kilos de caramelos sen glúten.
