O Pleno aproba 5,8 millóns para becas de libros a 28.500 estudantes

A partir do 17 de novembro os beneficiarios da segunda convocatoria das becas de libros, cun importe de 205 euros por estudante, poderán tramitar a súa petición, tras ser aprobado cambio do orzamento que permite activar as axudas extraordinarias.

O concelleiro de Orzamentos e Facenda, Jaime Aneiros, puxo en valor os 10 millóns de euros que o goberno municipal de Vigo destina a axudas á educación. Lembrou que aos 2,5 millóns de axudas ordinarias a becas de comedor súmanse os 5,8 millóns do financiamento extraordinario para comprar libros de texto e que trátase de 600.000 euros mais que en 2022. “Trátase do maior investimento en educación que fai un goberno local en España, e mesmo un autonómico”, incidiu Aneiros ao argumentar que o executivo presidido por Abel Caballero realiza “unha política redistributiva e de apoio aos mozos”, porque o apoio aos escolares realízase coas achegas dos vigueses. Destacou que dos 28.500 beneficiarios 15.000 son alumnos de primaria e 11.500 de secundaria. "Aí focalízanse as axudas extraordinarias", sinalou .

Aneiros lembrou que a Xunta, gobernada polo PP, non recuperou a gratuidade dos libros de texto que existiu no mandato do PSdeG-PSOE.

O portavoz do BNG, Xavier Pérez Igresias, expresou o apoio ás becas de libros ao tempo que manifestou o seu desacordo co sistema de adxudicación, ao demandar que se realice en función dos ingresos e as rendas para “incrementar as contías a quen máis o necesite “ e porque defende que “non todas as familias padecen igual os efectos da crise”. Amais, os nacionalistas pediron que estas becas deberían adicarse ao estudantado da ensinanza pública e non a aqueles que acoden á concertada "para a promoción da educación pública". Miguel Martín, concelleiro do grupo municipal do PP, urxiu a que as bolsas se manteñan en futuros cursos e deixen de ser extraordinarias. Sinalou que a Xunta mantén un sistema progresivo de concesión de bolsas e non “unha tarifa plana” como a que asegura que existe en Vigo. O Grupo Socialista e o Grupo Popular votaron a favor.

Ascensor HALO

O Pleno tamén aprobou a modificación orzamentaria para o remate das obras do ascensor HALO. Deste xeito, o novo elemento do Vigo Vertical sumará 2 millóns pola suba de prezos de materiais, a inflación, a modificación do proxecto coa mellora da zona do Círculo de Empresarios, a anticipación da finalización da obra para a pronta apertura do túnel de Lepanto e a inversión en seguridade con materiais de mellor calidade. Así explicouno o edil de Facenda, Jaime Aneiros, que reivindicou este elemento de mobilidade sostible que une dous áreas da cidade onde viven 40.000 persoas: “Teremos unha cidade máis conectada y máis verde”, puxo de manifesto. A obra está cofinanciada cos fondos europeos Next Generation EU do Goberno de España que adica case 6 millóns de euros a través do Plan de Recuperación, Transformación e Resiliencia.

Desde a oposición, o BNG criticou a inversión que fai o goberno local no distrito 1 e pediu “o mesmo en empeño de inversións noutras zonas da cidade”. Desde o PP lamentaron que “as grandes obras se lle atragoan ao goberno da cidade”. Aneiros lembrou ao Partido Popular que a Xunta ten 55 obras afectadas pola inflación e o sobrecusto, case un 60%, e atraso que tivo a obra da Cidade da Xustiza, máis de dous anos. Por outra banda, respondeu ao voceiro do BNG afirmando que “se inviste máis nas parroquias que nunca, con asfaltados, beirarrúas e novos espazos para o ocio da cidadanía, non ocorría cando goberna e cogobernaba o BNG nesta cidade”.

A modificación orzamentaria para levar adiante da obra do ascensor HALO saíu adiante cos votos favorables do Grupo Socialista. Os grupos municipais do PP e BNG votaron en contra.