O alcalde saúda ao alumnado do campamento municipal de verán de Lavadores
Un grupo de cincuenta nenos e nenas, integrantes do campamento de Lavadores, realizaron este xoves unha excursión ao Calvario onde recibiron a visita do rexedor a quen lle trasladaron as actividades que están realizando estes días. Abel Caballero lembrou que o programa Verán Xove 2023 ofrece case 4.000 plazas para nenos e nenas de entre 4 e 14 anos en diferentes emprazamentos da cidade: Alcabre, Berbés, Náutico en Bouzas, Coia, Doutor Fleming, Náutico na ETEA, Casa da Xuventude, Ludo Coia, Lavadores, Navia, Samil, Urbano de Travesas, Vigosónico e VigoZoo.
