Escoitar

Vigo incorpora 100 novos contedores marróns de residuos orgánicos con apertura coa tarxeta PassVigo

Como sinalou o rexedor, os novos contedores instalaranse nun total de 22 rúas e darán servizo a preto de 30.000 cidadáns.

luns, 27 mar 2023

O Concello de Vigo comeza a instalar hoxe na cidade un total de 100 contedores de residuos orgánicos con apertura a través da tarxeta PassVigo, que funciona con tecnoloxía contactless, que permite, entre outros, unha apertura mais sinxela que co antigo pedal e garante o seu correcto uso, destinado só a residuos orgánicos.

Estas unidades están destinadas á fracción orgánica, incluíndo restos de alimentos como froitas, verduras, carne ou peixe cociñados ou cascas de ovo, así como tapóns de cortiza, panos de mesa de papel, infusións ou pequenos restos vexetais. Súmanse aos 69 implantados na experiencia piloto realizada en Coia e Navia no ano 2020.

Os novos contedores marróns, que darán servizo a preto de 30.000 cidadáns, estarán presentes nun total de 22 rúas:

  1. A Guarda
  2. Alexadre Bóveda
  3. Av. de Castelao
  4. Av. De Florida
  5. Baiona
  6. Darío Durán
  7. Eugenio Kraft
  8. Garcia Lorca
  9. Lorient
  10. Manuel de Castro
  11. Nigrán
  12. Pablo Iglesias
  13. Ángel Llanos
  14. Tui
  15. Felipe Prosperi
  16. Fotógrafo Xosé Gil
  17. Fotógrafo Luis Casado
  18. Fotógrafos Irmáns Sarabia
  19. Ponte de Veiga
  20. Quintela
  21. Salvador Allende
  22. Santa María de Oia

Con este tipo de iniciativas o Concello de Vigo quere contribuír á prevención na xeración de residuos e fomentar a reutilización, a reciclaxe e a separación de residuos, para a mellora das recollidas selectivas.

Descargar todas as imaxes