Na praia, un libro: balance
A iniciativa de animación á lectura no verán promovida pola Concellería de Cultura foi acollida con satisfación polos 700 usuarios do servicio. O vindeiro ano extenderase esta experiencia a tódalas praias de Vigo.
A Casa das Palabras foi o espacio escollido pola Concellería de Cultura para iniciar as actividades enmarcadas dentro do seu Plan de animación á lectura. Nesta ocasión tódolos bañistas da praia de Samil dispuxeron ó longo do mes de agosto da posibilidade de levarse un libro á praia ou de ler a prensa diaria. A colección bibliográfica foi cedida pola Biblioteca Pública Central.
O resultado do programa, en verbas de Santiago Domínguez, Concelleiro de Cultura, foi moi positivo. Participaron máis de setecentos usuarios de tódalas idades, destacando un importante número de nenos e nenas. A meirande parte dos participantes fixeron uso dos libros na praia e nas instalacións acondicionadas para tal efecto no hall da Casa das Palabras. Un quince por cento das solicitudes foron préstamos a domicilio. 28 dos usuarios fixéronse socios da Biblioteca Pública Central.As maiores demandas das persoas adultas correspondéronse coa novela e co xornal diario. Os máis novos preferiron os cómics e os contos.
Dada a boa acollida do proxecto "Na praia, un libro", está previsto que para o próximo verán se extenda á totalidade das praias viguesas. Esta iniciativa entronca coa prioridade establecida polo Concelleiro de Cultura nada máis asumi-lo cargo: promover a cultura a través da animación á lectura. Nesta liña vai ser destacada a creación de espacios de lectura en tódolos barrios e parroquias coa intención de supera-lo déficit histórico que ten a cidade de Bibliotecas Públicas e salas de lectura.
Descargar todas as imaxes
O resultado do programa, en verbas de Santiago Domínguez, Concelleiro de Cultura, foi moi positivo. Participaron máis de setecentos usuarios de tódalas idades, destacando un importante número de nenos e nenas. A meirande parte dos participantes fixeron uso dos libros na praia e nas instalacións acondicionadas para tal efecto no hall da Casa das Palabras. Un quince por cento das solicitudes foron préstamos a domicilio. 28 dos usuarios fixéronse socios da Biblioteca Pública Central.As maiores demandas das persoas adultas correspondéronse coa novela e co xornal diario. Os máis novos preferiron os cómics e os contos.
Dada a boa acollida do proxecto "Na praia, un libro", está previsto que para o próximo verán se extenda á totalidade das praias viguesas. Esta iniciativa entronca coa prioridade establecida polo Concelleiro de Cultura nada máis asumi-lo cargo: promover a cultura a través da animación á lectura. Nesta liña vai ser destacada a creación de espacios de lectura en tódolos barrios e parroquias coa intención de supera-lo déficit histórico que ten a cidade de Bibliotecas Públicas e salas de lectura.