A Vía Verde, aberta desde Vía Norte ata Coutadas
O alcalde inaugurou este venres o tramo dun quilómetro de longo, aproximadamente, coa previsión de que o resto da senda, que supera os 4 quilómetros chegando ata o límite con Redondela, poida entrar en funcionamento en “dúas ou tres semanas”.
![O alcalde, o tenente de alcalde, Javier Pardo, e a concelleira de Medio Ambiente, Nuria Rodríguez durante o paseo pola Vía Verde](https://xornal.vigo.org/storage/images/opt/oOFySJs4V1jmtx1XpA3fIyyVE2w3E8lU4IvWm7j8.jpeg)
“É un modelo, unha antiga vía de tren que pasará a ser zona de paseo, para as bicicletas e o ocio”, apuntou Abel Caballero que deu conta do investimento municipal no conxunto da obra por valor de 3,5 millóns de euros coa cooperación do Goberno de España, a través dos fondos europeos Next Generation EU do Plan de Recuperación, Transformación e Resiliencia. A achega estatal foi de 1.860.000 euros para esta obra “emblemática da cidade de Vigo”.
Desde este venres queda aberto á cidadanía o primeiro tramo da Vía Verde, dun quilómetro de longo aproximadamente, entre Vía Norte e a rúa Coutadas con mobiliario urbano, 105 novos punto de luz led en catenaria, conta con 30 aparcabicis e con grandes bancos corridos ao longo do paseo para uso cidadá amais de zonas verdes e dúas pasarelas de madeira: a primeira de 55 metros de longo conecta Vía Norte coa rúa Navarra e a segunda, de 120 metros de longo, conecta a rúa Navarra coa Vía Verde.
Respecto ao resto do trazado da Vía Verde que sumará mais de 4 quilómetros de longo, Caballero adiantou que poderá nun prazo de “dúas ou tres semanas abriremos o resto desde Vigo a Redondela”.
![O alcalde, o tenente de alcalde, Javier Pardo, e a concelleira de Medio Ambiente, Nuria Rodríguez durante o paseo pola Vía Verde](https://xornal.vigo.org/storage/images/opt/oOFySJs4V1jmtx1XpA3fIyyVE2w3E8lU4IvWm7j8.jpeg)
![](https://xornal.vigo.org/storage/images/opt/cOsgPCDEx5f22zWXYy7W71LVu2dkNdaNFDe3UZQi.jpeg)
![](https://xornal.vigo.org/storage/images/opt/MjwECN6mjXGyOYEKtGyB8iRmuJrLasIbFUVHuzC6.jpeg)
![](https://xornal.vigo.org/storage/images/opt/rHKFPlsQjZyh8mttVtx2EgfomCFnMZiyF6k83Z3H.jpeg)
![](https://xornal.vigo.org/storage/images/opt/A0hys83j5ooT88HsDYMQQ34vOtRkLN7tcEmQYU8z.jpeg)
![](https://xornal.vigo.org/storage/images/opt/fHg10JsmvhbCCufJzvGbEX0nY7hKXo9SO2SyDNSQ.jpeg)
![](https://xornal.vigo.org/storage/images/opt/VtkoF2soG8w8pMn6ZOzqmskGolCXxB6aBKMO2Bpa.jpeg)