O alcalde celebra a nova Facultade de Comercio
A EU de Estudos Empresariais pasa a denominarse Facultade de Comercio. Ao acto institucional achegáronse xunto ao alcalde o reitor da UVigo, Manuel Reigosa, e a directora-decana da facultade, Consuelo Currás, e outras autoridades.
Abel Caballero acudiu ao acto institucional da presentación da nova facultade de Comercio, que ata agora denominabase Escola Universitaria de Estudos Empresariais. O fito coincidiu coa celebración do patrón do centro.
A Escola de Comercio fundouse no 1921. No acto, persoal da nova Facultade lembrou a historia destes estudos na cidade. Comezou noutros espazos e rematou no actual edificio de Torrecedeira, un proxecto de 1940 obra de Jenaro de la Fuente, un edificio racionalista. Coa evolución e a demanda dos estudios en Comercio, foron sumando andares e anexos ao orixinal. Actualmente imparte a titulación de grao en Comercio e os master en Comercio Internacional e master en dirección de pemes.
O rexedor confirmou que seguirá a dar apoio á nova facultade e á UVigo, pola súa importancia na historia da cidade.
