O Concello e os comuneiros plantaron este ano 1.000 castiñeiros nos montes de Vigo
Abel Caballero explicou este venres en rolda de prensa telemática e presencial que o Concello entregou este ano un total de 1.000 castiñeiros microrrizados aos comuneiros para repoboar os montes de Vigo. Con motivo do Día Mundial do Medio Ambiente, o alcalde destacou a plantación de novas árbores en Samil e Gran Vía.
O Concello de Vigo e as Comunidades de Montes plantaron este ano máis de 1.000 castiñeiros nas zoas rurais do municipio. Así o explicou o alcalde, Abel Caballero, en rolda de prensa con motivo da celebración do Día Mundial do Medio Ambiente.
O rexedor indicou que os comuneiros xa plantaron desde xaneiro un millar de exemplares de castiñeiro entregados polo goberno local. Tamén sinalou que nas Pradeiras de Samil foron substituídos os árbores en mal estado por 35 pinos e na zona de Gran Vía Sur, outros 31 olmos que corrían risco foron cambiados por caprinos e 50 árbores máis de reposición foron plantados nas rúas.
Caballero destacou o labor do Concello no río Lagares, onde acabaron os vertidos e regresou a fauna, e nos humedais da Bouza. Tamén mencionou a campaña para que as Illas Cíes sexan declaradas Patrimonio Mundial da Humanidade ou a construción da EDAR do Lagareas.
Máscaras
Por outra banda, o alcalde informou de que o Concello xa recibiu as 100.000 máscaras de protección compradas para repartir entre os cidadáns. Caballero lembrou que 20.000 serán entregadas a Povisa, posto que o hospital vigués adiantou estas máscaras para que fosen repartidas con anterioridade.