O "tirón" do Nadal mellora as cifras do desemprego na cidade no mes de novembro

O mes de novembro foi un mes positivo para o desemprego en Vigo, con 648 parados menos que o ano pasado. O sector servizos foi o que máis contribuíu a esta mellora con 200 desempregados menos.

mércores, 4 dec 2019
Vigo rexistrou baixadas de desemprego "bastante importantes" no pasado mes de novembro ao contrario que sucedeu no conxunto de Galicia. Vigo ten 648 parados menos que o ano pasado e 236 menos que en outubro polo que "novembro foi un mes de "forte tirón do emprego e todos sabemos porque". Por sectores, o de servizos foi o que máis contribuíu a esta mellora, cunha baixada de 200 desempregados, mentres que na industria o descenso foi de 117 desempregados. O Nadal de Vigo está a "tirar" tamén do aloxamento de todo o sur da provincia, un área de medio millón de persoas, engadiu.