O goberno municipal habilita o pago da zona azul a través do teléfono móbil
O alcalde deu conta esta mañá dalgunhas das melloras que está a implementar a concesionaria do estacionamento regulado (zona XER), entre as que destaca a posibilidade de pagar co teléfono móbil. A través da app Telpark, o usuario poderá recibir alertas de caducidade ou localizar o vehículo con xeolocalización.
Os usuarios poden pagar o estacionamento regulado na zona azul a través do teléfono móbil, sen necesidade de contar con diñeiro en efectivo nin buscar un parquímetro. A app Telpark permite tamén recibir alertas de caducidade, localizar o vehículo a través de GPS ou ampliar o prazo de estacionamento. A este respecto, o alcalde avanzou a súa vontade de ampliar ata as catro horas o período máximo de estacionamento (de dúas horas neste momento) para o que se procederá á modificación da ordenanza.
Outros dos avances previstos serán a posibilidade de usar a tarxeta Passvigo como medio de acceder ao servizo; a progresiva implantación de 27 postes de recarga de vehículos eléctricos; todos os novos parquímetros disporán de recarga eléctrica para dispositivos móbeis e, finalmente, incluirán un servizo de información cidadá con temas vencellados co tráfico, entre outros.
Outros dos avances previstos serán a posibilidade de usar a tarxeta Passvigo como medio de acceder ao servizo; a progresiva implantación de 27 postes de recarga de vehículos eléctricos; todos os novos parquímetros disporán de recarga eléctrica para dispositivos móbeis e, finalmente, incluirán un servizo de información cidadá con temas vencellados co tráfico, entre outros.