O Concello licita a humanización da Praza de América
A Xunta de Goberno Local do Concello de Vigo aprobou este xoves o expediente de contratación das obras de mellora da Plaza de América cun orzamento de 1,9 millóns e un prazo de execución de 8 meses. Ademais, tamén saiu adiante a contratación da nova Biblioteca de Navia.
O alcalde de Vigo, Abel Caballero, informou este venres en rolda de prensa da licitación da obra da mellora da contorna da Praza de América cun orzamento de 1,9 millóns e un prazo de execución de 8 meses.
"É un novo proxecto para unha cidade europea, é a modernidade, a forma de entender Vigo", sinalou o rexedor tras destacar as características principias que terá a humanización. Así, as obras a executar teñen o obxectivo de peatonalizar a praza e abrir unha ruta de acceso para os viandantes de forma que poidan cruzar a través do monumento da Porta do Atlántico.
A actuación inclúe a renovación das redes de abastecemento, saneamento, alumeado e drenaxe. Ademais, para evitar o ruído do trafico haberá un anel verde formado por vexetación sobre xardineiras, tanto no perímetro exterior como no interior.
O proxecto tamén substitúe as de formigón por pezas de granito gris e o novo pavimento na nova praza central e accesos para peóns, novos semáforos, sinais e mobiliario, ademais de novo vaso para a fonte con gradas e xardineiras no perímetro das zonas para peóns, bancos, papeleiras e elementos informativos e de posta en valor da praza.
Biblioteca de Navia
Ademais, o alcalde tamén informou de que a Xunta de Goberno aprobou o expediente de contratación das obras de acondicionamento de local como sala de lectura-biblioteca en Navia cun orzamento de 440.000 euros e un prazo de execución de 3 meses.
A licitación permitirá abrir un novo espazo cultural en Navia cunha superficie total construída de 852 m² e uns 200 postos de lectura habilitados.
"Esta gran biblioteca e sala de lectura de Navia súmase á de Neira Vilas, á que puxemos en marcha no Auditorio Mar de Vigo, á da Casa do Patín e á que proxectamos no vello ambulatorio de Teis, de forma multiplicáronse por cinco as bilibotecas desde que gobernamos", sinalou Caballero.
Descargar todas as imaxes
"É un novo proxecto para unha cidade europea, é a modernidade, a forma de entender Vigo", sinalou o rexedor tras destacar as características principias que terá a humanización. Así, as obras a executar teñen o obxectivo de peatonalizar a praza e abrir unha ruta de acceso para os viandantes de forma que poidan cruzar a través do monumento da Porta do Atlántico.
A actuación inclúe a renovación das redes de abastecemento, saneamento, alumeado e drenaxe. Ademais, para evitar o ruído do trafico haberá un anel verde formado por vexetación sobre xardineiras, tanto no perímetro exterior como no interior.
O proxecto tamén substitúe as de formigón por pezas de granito gris e o novo pavimento na nova praza central e accesos para peóns, novos semáforos, sinais e mobiliario, ademais de novo vaso para a fonte con gradas e xardineiras no perímetro das zonas para peóns, bancos, papeleiras e elementos informativos e de posta en valor da praza.
Biblioteca de Navia
Ademais, o alcalde tamén informou de que a Xunta de Goberno aprobou o expediente de contratación das obras de acondicionamento de local como sala de lectura-biblioteca en Navia cun orzamento de 440.000 euros e un prazo de execución de 3 meses.
A licitación permitirá abrir un novo espazo cultural en Navia cunha superficie total construída de 852 m² e uns 200 postos de lectura habilitados.
"Esta gran biblioteca e sala de lectura de Navia súmase á de Neira Vilas, á que puxemos en marcha no Auditorio Mar de Vigo, á da Casa do Patín e á que proxectamos no vello ambulatorio de Teis, de forma multiplicáronse por cinco as bilibotecas desde que gobernamos", sinalou Caballero.