O alcalde salienta a "inmensa vocación social, de emprego e de investimento" das contas do Concello para 2016
Acompañado polo edil de Facenda, Jaime Aneiros, o alcalde de Vigo presentou este mércores os orzamentos do Concello para 2016, aprobados na Xunta de Goberno Local. Con 225,9 millóns, as contas crecen un 2,37% sobre o 2015, polo que Abel Caballero subliñou o "esforzo para seguir avanzando" na marcha da cidade "a velocidade de Fórmula 1" e "mantendo as mellores finanzas de ningún concello de España".
Tras ser aprobado pola Xunta de Goberno Local na mañá deste mércores, o alcalde de Vigo presentou en rolda de prensa os contidos principais do orzamento do Concello para 2016, que ascende a 225,9 millóns de euros e rexistra, en verbas de Caballero, unha "inmensa vocación de gasto social, de emprego e de investimentos para seguir transformando a cidade".
O primeiro edil vigués valorou o "esforzo" que representa estas contas "para seguir avanzando" na cidade, un documento no que se duplican os investimentos do ano 2015, que reserva máis de 13 millóns para o departamento de Políticas de Benestar, mantén os programas de creación directa de emprego e aumenta un 57% o orzamento para a promoción económica da cidade, un 12,9% as partidas para o deporte e nun 8% para a educación.
Segundo indicou Caballero, o orzamento municipal para 2016 integra na estrutura municipal os ata agora organismos autónomos do Instituto Municipal dos Deportes, de VigoZoo e da Escola Municipal de Artes e Oficios, co que se simplifica a administración e se evita duplicidades, ao tempo que se xeran aforros superiores aos 200.000 euros.
Ademais, e en materia económica, o alcalde de Vigo asegurou que neste orzamento a débeda municipal queda nun 0,1% sobre o total, un "dato moi importante" que converte á cidade olívica na primeira entre as cidades españolas en ter débeda cero. Caballero desglosou tamén os aforros que terán os cidadáns polas exencións, bonificacións e deducións nos tributos municipais promovidos polo goberno de Vigo, un total de 7,6 millóns de euros en concepto de beneficio fiscal no IBI, en Vehículos, en Plusvalía, no IAE (do que máis do 90% das empresas están exentos de pago), en Construcións e no Lixo.
Abel Caballero singularizou igualmente o apoio de case 250.000 euros aos comedores sociais, os case 700.000 euros para o centro de inclusión e emerxencia social (albergue), e os 12,3 millóns de euros -300.000 euros máis que no 2015- para subvencionar aos usuarios do autobús urbano, a través das tarxetas verdes.
O proxecto "Illas Cíes Candidatura a Patrimonio da Humanidade" leva un orzamento de 200.000 euros e será pilotado inicialmente, segundo explicou o rexedor, a través da Vigo Convention Bureau, que ve incrementada a súa partida un 35%, ata os 135.000 euros. Abel Caballero tamén subliñou o millón de euros para Xuventude e os 1,1 millóns para Igualdade, xunto á política cultural municipal, que se traduce en 3,1 millóns de euros de apoio aos museos, case 800.000 euros en promoción cultural, un millón para equipamentos culturais e 935.000 euros para as bibliotecas.
Principais áreas de gasto do orzamento
A área de Benestar ten unha dotación que supera os 13 millóns de euros, que se reparten da seguinte maneira: o Servizo de Axuda no Fogar: 3.189.000 euros, un 10% máis que en 2015, e unha cantidade que o alcalde define como "a máis alta de Galicia". O Cheque social, que inclúe axudas á vivenda, subministros e alimentación recibe 2.442.000 euros, dos que 1,6 millóns se destinan á tarxeta da dignidade para pagamentos de alugueiros, enerxía e alimentos e 800.000 para un fondo de emerxencia para os desafiuzamentos co fin de que "en Vigo non haxa ninguén desafuizado por razóns económicas mentres eu sexa alcalde". Mantense a axuda a CEDRO de 1.543.000 euros e á Teleasistencia, mentres que para Bolsas de Comedor e Libros dedícanse 1.800.000 euros que, segundo Caballero "permitirán facer fronte ao 100% das solicitudes que se presenten" e maneira que "ningún neno ou nena de Vigo quedará sen bolsa de comedor por razóns económicas".
O orzamento para a área de Educación será de 11.763.000 euros, o que representa un 7,88% máis que este ano. A partida máis importante é a do programa de Bolsas de Inglés que con 1.400.000 €, duplica o orzamento actual de xeito que, segundo o rexedor, "daremos todas as bolsas que se soliciten". Os campamentos de verán multiplican por dous o orzamento chegando ata os 176.000 € en 2016 ante a gran demanda da cidadanía. Para a UNED o presuposto municipal destina 618.000 € en concepto de alugueiro do espazo e 100.000 € para apoiar as novas titulacións e as actuais. Para as obras de melloras en colexios vigueses o orzamento prevé 600.000 €, 652.000 para melloras relacionadas co subministro eléctrico e para a limpeza dos centros 2.863.000 €. O orzamento dedica ás escolas infantís 1.714.000 euros, para axudar ás familias, nun reparto que queda como segue: Escola infantil Casiano Martínez: 195.000 €, Mestres Goldar 219.000 €, Lavadores: 226.000 €, Escola infantil de Navia: 219.000 €, Casco Vello: 223.000 euros, Escola infantil Saiáns: 215.000 €, Teis: 217.000 € e Tomás Alonso: 195.000 €.
Ademais, o orzamento do Concello para o exercicio de 2016 mantén tódalas dotacións en materia de creación de postos de traballo a través de plans directos. O Plan de Emprego Municipal recibe 1.455.000 €, os Coidadores de Barrio 540.000€, a creación de empresas 100.000€, para emprego xuvenil a través do convenio con Citroën e Conxemar 500.000€.
No tocante á promoción económica de Vigo, o alcalde anunciou que proseguirá o esforzo municipal cun orzamento de 4.029.000 €, un 57% superior ao 2015, repartido en diferentes partidas: a dinamización do comercio recibe 200.000€; a dinamización de centros comerciais 140.000€, para a organización de feiras destínanse 75.000€, o Marisquiño duplica o presuposto actual ata os 82.000€ e as Festas de Vigo, aumentan un 25% ata os 500.000€, amais de manter o Festival Folclórico Internacional.
En materia de promoción turística para 2016, o goberno local reserva 2.707.000 €, un 80% de incremento respecto a 2015 nesta partida que inclúe as rutas aéreas. Amais destínanse 300.000€ a plans de promoción turística.
Á área de Deportes, o orzamento municipal dedica case 12.000.000€, un incremento dun 12.9% respecto a 2015 que inclúe unha partida de 550.000 euros para o deporte base, unha partida un 37% superior á de 2015.
Investimentos
O goberno de Vigo incrementa un 108,5% a partida de investimentos, pasando de 4,5 no 2015 aos 9,4 millóns reservados nas contas de 2016, financiados con recursos propios e sen acudir a endebedamento, tal e como salientou Caballero.
Entre as principais partidas recollidas, o alcalde detallou a construción do aparcamento público e gratuíto nas inmediacións do novo Hospital Álvaro Cunqueiro (520.000 euros) e as novas fases das humanizacións de Rosalía de Castro (900.000 euros), Canceleiro, Gregorio Espino (500.000 euros), Aragón (500.000 euros) e das escaleiras mecánicas da II República (670.000 euros).
O Concello inclúe 200.000 euros para a humanización da rúa Llorente, 565.000 euros para a da rúa Bueu, case medio millón para Doctor Corbal e 150.000 euros para continuar a reforma da rúa Ferreiros, en Bouzas. Tamén en Bouzas o goberno de Vigo completará a rehabilitación da Casa do Patín, con case 39.000 euros.
Outros investimentos recollidos para 2016 son case medio millón para mellorar infraestruturas en parroquias, 350.000 euros para parques infantís, 230.000 euros para continuar co programa de arte urbano nas medianeiras, case 400.000 euros para a ETEA, 900.000 euros para as remodelacións dos campos de fútbol do Colexio Fogar e do Carballal, 100.000 euros para mellorar as instalacións deportivas dos parques, 220.000 euros para o mantemento do patrimonio municipal e etnográfico e 180.000 euros en melloras na informatización e adaptación ás novas tecnoloxías.
Descargar todas as imaxes
O primeiro edil vigués valorou o "esforzo" que representa estas contas "para seguir avanzando" na cidade, un documento no que se duplican os investimentos do ano 2015, que reserva máis de 13 millóns para o departamento de Políticas de Benestar, mantén os programas de creación directa de emprego e aumenta un 57% o orzamento para a promoción económica da cidade, un 12,9% as partidas para o deporte e nun 8% para a educación.
Segundo indicou Caballero, o orzamento municipal para 2016 integra na estrutura municipal os ata agora organismos autónomos do Instituto Municipal dos Deportes, de VigoZoo e da Escola Municipal de Artes e Oficios, co que se simplifica a administración e se evita duplicidades, ao tempo que se xeran aforros superiores aos 200.000 euros.
Ademais, e en materia económica, o alcalde de Vigo asegurou que neste orzamento a débeda municipal queda nun 0,1% sobre o total, un "dato moi importante" que converte á cidade olívica na primeira entre as cidades españolas en ter débeda cero. Caballero desglosou tamén os aforros que terán os cidadáns polas exencións, bonificacións e deducións nos tributos municipais promovidos polo goberno de Vigo, un total de 7,6 millóns de euros en concepto de beneficio fiscal no IBI, en Vehículos, en Plusvalía, no IAE (do que máis do 90% das empresas están exentos de pago), en Construcións e no Lixo.
Abel Caballero singularizou igualmente o apoio de case 250.000 euros aos comedores sociais, os case 700.000 euros para o centro de inclusión e emerxencia social (albergue), e os 12,3 millóns de euros -300.000 euros máis que no 2015- para subvencionar aos usuarios do autobús urbano, a través das tarxetas verdes.
O proxecto "Illas Cíes Candidatura a Patrimonio da Humanidade" leva un orzamento de 200.000 euros e será pilotado inicialmente, segundo explicou o rexedor, a través da Vigo Convention Bureau, que ve incrementada a súa partida un 35%, ata os 135.000 euros. Abel Caballero tamén subliñou o millón de euros para Xuventude e os 1,1 millóns para Igualdade, xunto á política cultural municipal, que se traduce en 3,1 millóns de euros de apoio aos museos, case 800.000 euros en promoción cultural, un millón para equipamentos culturais e 935.000 euros para as bibliotecas.
Principais áreas de gasto do orzamento
A área de Benestar ten unha dotación que supera os 13 millóns de euros, que se reparten da seguinte maneira: o Servizo de Axuda no Fogar: 3.189.000 euros, un 10% máis que en 2015, e unha cantidade que o alcalde define como "a máis alta de Galicia". O Cheque social, que inclúe axudas á vivenda, subministros e alimentación recibe 2.442.000 euros, dos que 1,6 millóns se destinan á tarxeta da dignidade para pagamentos de alugueiros, enerxía e alimentos e 800.000 para un fondo de emerxencia para os desafiuzamentos co fin de que "en Vigo non haxa ninguén desafuizado por razóns económicas mentres eu sexa alcalde". Mantense a axuda a CEDRO de 1.543.000 euros e á Teleasistencia, mentres que para Bolsas de Comedor e Libros dedícanse 1.800.000 euros que, segundo Caballero "permitirán facer fronte ao 100% das solicitudes que se presenten" e maneira que "ningún neno ou nena de Vigo quedará sen bolsa de comedor por razóns económicas".
O orzamento para a área de Educación será de 11.763.000 euros, o que representa un 7,88% máis que este ano. A partida máis importante é a do programa de Bolsas de Inglés que con 1.400.000 €, duplica o orzamento actual de xeito que, segundo o rexedor, "daremos todas as bolsas que se soliciten". Os campamentos de verán multiplican por dous o orzamento chegando ata os 176.000 € en 2016 ante a gran demanda da cidadanía. Para a UNED o presuposto municipal destina 618.000 € en concepto de alugueiro do espazo e 100.000 € para apoiar as novas titulacións e as actuais. Para as obras de melloras en colexios vigueses o orzamento prevé 600.000 €, 652.000 para melloras relacionadas co subministro eléctrico e para a limpeza dos centros 2.863.000 €. O orzamento dedica ás escolas infantís 1.714.000 euros, para axudar ás familias, nun reparto que queda como segue: Escola infantil Casiano Martínez: 195.000 €, Mestres Goldar 219.000 €, Lavadores: 226.000 €, Escola infantil de Navia: 219.000 €, Casco Vello: 223.000 euros, Escola infantil Saiáns: 215.000 €, Teis: 217.000 € e Tomás Alonso: 195.000 €.
Ademais, o orzamento do Concello para o exercicio de 2016 mantén tódalas dotacións en materia de creación de postos de traballo a través de plans directos. O Plan de Emprego Municipal recibe 1.455.000 €, os Coidadores de Barrio 540.000€, a creación de empresas 100.000€, para emprego xuvenil a través do convenio con Citroën e Conxemar 500.000€.
No tocante á promoción económica de Vigo, o alcalde anunciou que proseguirá o esforzo municipal cun orzamento de 4.029.000 €, un 57% superior ao 2015, repartido en diferentes partidas: a dinamización do comercio recibe 200.000€; a dinamización de centros comerciais 140.000€, para a organización de feiras destínanse 75.000€, o Marisquiño duplica o presuposto actual ata os 82.000€ e as Festas de Vigo, aumentan un 25% ata os 500.000€, amais de manter o Festival Folclórico Internacional.
En materia de promoción turística para 2016, o goberno local reserva 2.707.000 €, un 80% de incremento respecto a 2015 nesta partida que inclúe as rutas aéreas. Amais destínanse 300.000€ a plans de promoción turística.
Á área de Deportes, o orzamento municipal dedica case 12.000.000€, un incremento dun 12.9% respecto a 2015 que inclúe unha partida de 550.000 euros para o deporte base, unha partida un 37% superior á de 2015.
Investimentos
O goberno de Vigo incrementa un 108,5% a partida de investimentos, pasando de 4,5 no 2015 aos 9,4 millóns reservados nas contas de 2016, financiados con recursos propios e sen acudir a endebedamento, tal e como salientou Caballero.
Entre as principais partidas recollidas, o alcalde detallou a construción do aparcamento público e gratuíto nas inmediacións do novo Hospital Álvaro Cunqueiro (520.000 euros) e as novas fases das humanizacións de Rosalía de Castro (900.000 euros), Canceleiro, Gregorio Espino (500.000 euros), Aragón (500.000 euros) e das escaleiras mecánicas da II República (670.000 euros).
O Concello inclúe 200.000 euros para a humanización da rúa Llorente, 565.000 euros para a da rúa Bueu, case medio millón para Doctor Corbal e 150.000 euros para continuar a reforma da rúa Ferreiros, en Bouzas. Tamén en Bouzas o goberno de Vigo completará a rehabilitación da Casa do Patín, con case 39.000 euros.
Outros investimentos recollidos para 2016 son case medio millón para mellorar infraestruturas en parroquias, 350.000 euros para parques infantís, 230.000 euros para continuar co programa de arte urbano nas medianeiras, case 400.000 euros para a ETEA, 900.000 euros para as remodelacións dos campos de fútbol do Colexio Fogar e do Carballal, 100.000 euros para mellorar as instalacións deportivas dos parques, 220.000 euros para o mantemento do patrimonio municipal e etnográfico e 180.000 euros en melloras na informatización e adaptación ás novas tecnoloxías.