“I Nadal de Aventura” achega novas formas de lecer aos rapaces
Tirolina, pontes tibetanas ou rocódromo son algunhas das actividades nas que poderán participar os nenos e novos que se acheguen ata o pavillón das Travesas durante a celebración de “I Nadal de Aventura”. O concelleiro de Xuventude presentou a iniciativa como unha mostra “interesante e innovadora de deportes e actividades relacionados coa aventura”.
Santiago Domínguez explicou que a nova actividade xurdiu como continuidade “ ben que cunha nova perspectiva, da Feira da Infancia e Xuventude acabada de clausurar, nunhas datas nas que os rapaces dispoñen de máis tempo libre”.
O frontón e a pista vermella do pavillón das Travesas acollen ata o 6 de xaneiro as instalacións dunha tirolina de 8 metros de altura e 40 metros de percorrido, 2 pontes tibetanas de 30 metros de lonxitude, un rocódromo e un circuíto multiaventura de competición. Ademais, o “I Nadal de Aventura”, organizado en colaboración coa empresa Plus Sports ofrece exercicios para os máis pequenos, cun inchable no que poden participar os meniños con idades comprendidas entre os 2 e os 4 anos.
O horario de actividades os días 3, 4 e 5 de xaneiro abrangue de 11:00 a 14:00 horas en quenda de mañá, e de 16:00 a 20:00 horas á tarde: mentres que o día 6 de xaneiro só será de 16:00 a 2:00 horas.
Descargar todas as imaxes
Santiago Domínguez explicou que a nova actividade xurdiu como continuidade “ ben que cunha nova perspectiva, da Feira da Infancia e Xuventude acabada de clausurar, nunhas datas nas que os rapaces dispoñen de máis tempo libre”.
O frontón e a pista vermella do pavillón das Travesas acollen ata o 6 de xaneiro as instalacións dunha tirolina de 8 metros de altura e 40 metros de percorrido, 2 pontes tibetanas de 30 metros de lonxitude, un rocódromo e un circuíto multiaventura de competición. Ademais, o “I Nadal de Aventura”, organizado en colaboración coa empresa Plus Sports ofrece exercicios para os máis pequenos, cun inchable no que poden participar os meniños con idades comprendidas entre os 2 e os 4 anos.
O horario de actividades os días 3, 4 e 5 de xaneiro abrangue de 11:00 a 14:00 horas en quenda de mañá, e de 16:00 a 20:00 horas á tarde: mentres que o día 6 de xaneiro só será de 16:00 a 2:00 horas.