A Fundación Laxeiro concede dez bolsas á creación artística

A Fundación Laxeiro fará entrega das ”Bolsas á Creación Artística” correspondentes ó ano 2001 no transcurso dun acto no que estarán presentes o decano da Facultade de Belas Artes, Jesús Hernández, o presidente delegado, Carlos Príncipe, e Javier Buján, delegado director xerente da fundación. A cita será hoxe mércores, 26 de xuño, ás 20:00 horas na Fundación Laxeiro.

A contía total é de 15.025,30 euros, repartida en dez bolsas de 1.502,53 euros. Estas bolsas recaeron nos estudiantes de Belas Artes, beneficiarios da Bolsa Erarsumus, en virtude do acordo acadado entre a Facultade de Belas Artes e a Fundación Laxeiro durante o ano 2001.

Este acordo enmárcase dentro das actuacións da Fundación Laxeiro de apoio ós novos artistas galegos, como expresara o propio Laxeiro en vida, e como deixara patente coa doazón ós estudiantes da Facultade de Belas Artes de Pontevedra do cadro “Un berro por Belas Artes” pintado polo artista en apoio á creación da devandita facultade.

Nesta edición, os beneficiarios son:

Olalla Alonso Núñez
Inés Casado Barrio
Pablo Rodríguez Torres
María Sánchez Fernández
David Bustos Martín
Antón Manuel Cabaleiro Fontenla
Vanesa Díaz Otero
Roi Fernández Alonso
Rubén García Pérez
Horacio González Diéguez