Caballero asegura que a humanización converte a zona de Balaídos "nun dos grandes centros da cidade"
O alcalde de Vigo, Abel Caballero, anunciou hoxe venres que a finais deste mes de agosto estarán rematadas as obras de humanización de Balaídos, Eugenio Kraft e Manuel Castro. Acompañado de Carmela Silva, indicou que estes traballos pendentes, que ascenden a 50.000 euros, permitirán concluír o proceso de transformación da zona, que se converterá "nun dos grandes centros da cidade".
O alcalde de Vigo, Abel Caballero, avanzou hoxe venres que a finais de este mes estará rematada a humanización dos 60 metros que quedaban pedentes de reforma das beirarrúas de Balaídos, Eugenio Kraft e Manuel Castro. Logo de recordar que con esta obra "cumprimos un compromiso que tiñamos asumido aínda que outros grupos políticos dubidaban", indicou que o custo desta reforma ascendeu a uns 50.000 euros. Tras visitar as obras, acompañado da tenente de alcalde, Carmela Silva, destacou o impacto económico e social que acarreará a humanización "convertindo a zona de Balaídos nun dos grandes centros da cidade". En tres anos, continuou, pasou de ser case un suburbio a configurarse como "un dos centros de Vigo máis dignos". Felicitouse por esta transformación e reiterou a súa intención de que os veciños saiban que "estamos con eles nas rúas".
Por outra banda, o alcalde avanzou a súa intención de abrir un debate con "cautela e seguridade" sobre a construción do novo estadio de Balaídos. Afirmou que ten que ser un "proxecto cidadán e non político e electoral" e destacou a necesidade de chegar a acordos con todas as partes implicadas.
Descargar todas as imaxes
Por outra banda, o alcalde avanzou a súa intención de abrir un debate con "cautela e seguridade" sobre a construción do novo estadio de Balaídos. Afirmou que ten que ser un "proxecto cidadán e non político e electoral" e destacou a necesidade de chegar a acordos con todas as partes implicadas.