A Casa da Xuventude abre unha mostra de arte do Club Xoves pola Saúde

Unha mostra de traballos infantís realizados polos membros do Club Xoves pola Saúde, pertencente á Asociación Española Contra o Cancro, abrirá o mércores 17 de xullo na Casa da Xuventude. Os traballos que se amosan son froito dos obradoiros que realizan as rapazas e rapaces do club durante o ano e, entre outras cousas, pódense atopar murais, traballos en cerámica, debuxos e pinturas, e outras moitas curiosidades.

As obras permanecerán expostas ata o venres 26 de xullo e poderán contemplarse de luns a venres en horario de 10:00 a 14:00 horas e de 17:00 a 21:00 horas na Casa da Xuventude na rúa López Mora, nº 31.

Esta será a última mostra, dentro do programa Mirarte organizado pola Concellería de Xuventude, que se realizará na Casa da Xuventude ata o mes de setembro, pechándose así unha rolda que comezou en abril. No mes de agosto a sala permanecerá pechada na espera dunha nova quenda con novos artistas da cidade.


Ficha

Club de Xoves pola Saúde
Título: ”A súa saúde”
Pintura e manualidades de nenos.
Descripción: Exposición de traballos dos obradoiros dos clubes de xoves pola Saúde de Vigo e Pontevedra da Asociación Española Contra o Cancro
Datas: do 17 ó 26 de xullo de 2002

MIRARTE

CLUB XOVES POLA SAÚDE