A Senda Panorámica GR 53 está remarcada e con nova sinalización
A concelleira de Medioambiente, Chus Lago, sinala que agora está preparada para que "todos poidan percorrela en calquera momento do ano". A senda é a máis longa de todas as rutas homologadas que percorren o municipio vigués. A ruta caracterízase polo suave relevo e é accesible a todo tipo de camiñantes.
A ruta conta con 53 quilómetros e circunvala a cidade a través dos seus montes, constituíndo un miradoiro natural de valor excepcional. Conta cun percorrido repleto de contrastes onde ademais de zonas verdes, se descubren once dos doce parques forestais da cidade, o único zoolóxico de Galicia, restos arqueolóxicos, construcións modernas e antigas estruturas.