Escoitar

O pavillón das Travesas acolle a Gran Final do Primeiro Torneo de Multifútbol

venres, 19 abr 2002
imx1318.jpg
Pavillón
A Concellería de Deportes colabora na celebración da Gran Final do I Torneo Multifútbol de El Corte Inglés, organizado pola empresa Juvesport e patrocinado por Pepsi Cola, Cabreiroá, Diario As e Inturasa. A competición será este sábado ás 16:00 no campo de fútbol do IMD das Travesas.

Os colexios clasificados para a final son: Amor de Dios, Bouza Brey, Canicouba, Carmelitas, Labor, Marcote ,Martín Codax, Montecastelo, Niño Jesús de Praga, Santa Mariña e Valadares.

A organización premiará o equipo máis completo polo que todos deberán competir nas catro modalidades que están establecidas: chutómetro, cabina de precisión, fútbol 3 e tenis pé.

Na zona aberta ó público habilitaranse dúas lanzadeiras de balóns sobre porterías inchables para practicar o lanzamento de faltas con barreira, dous chutómetros, dúas cabinas de precisión e catro campos de fútbol 3. Esta zona estará aberta de 16.00 a 20.30h. A organización sorteará agasallos entre os asistentes.

A entrega de recordos ós colexios participantes no torneo e os premios ós equipos vencedores terá lugar ás 20.30horas. Cada un dos equipo gañadores recibirán cheques regalo para El Corte Inglés por valor de 540 euros.
Descargar todas as imaxes