O goberno local salienta a mellora da calidade de vida de todos os vigueses nos ecuador do mandato
O alcalde e o tenente de alcalde presentaron hoxe martes -coa presenza de todos os concelleiros e concelleiras- o balance da acción do goberno de Vigo durante os dous primeiros anos, "satisfactorios" polo "progreso de toda a cidade", "sen distincións". Abel Caballero e Santi Domínguez salientaron a capacidade de xestión do goberno local e comprometeron máis traballo para o resto do mandato.
O alcalde, Abel Caballero, salientou este martes a mellora da calidade de vida de todos os vigueses, "sen distincións", como o principal resultado dos dous anos de mandato do goberno local. Introducido polo tenente de alcalde coa presenza de todos os concelleiros municipais, o goberno de Vigo presentou dous anos "satisfactorios" e de "progreso para toda a cidade".
No transcurso da presentación no Centro Social Caixanova, Abel Caballero repasou os principais logros do goberno vigués no ecuador do mandato, salientando a aprobación dun Plan Xeral co 43% de vivenda de protección oficial para os vigueses, a rehabilitación e dinamización social do Casco Vello, e as humanizacións, "a maior transformación da historia" con un centenar de rúas de Vigo humanizadas distribuidas por toda a cidade, e non só polo centro.
No capítulo de infraestruturas, o alcalde incidiu na chegada da Alta Velocidade a Vigo directo por Cerdedo, a consecución da entrada soterrada á cidade e non en zanxa, e a nova estación intermodal de Urzáiz, diseñada por Thom Mayne. Salientou tamén Abel Caballero o impulso recibido ás conexións viarias (autovias a Porriño e Pontevedra, principalmente); e o "aeroporto de primeira" cunha nova terminal en marcha, o aparcadoiro e a creación dun comité de rutas para Peinador unicamente existente en Barcelona.
O alcalde subliñou outras consecucións demandadas pola cidade como o Auditorio Pazo de Congresos en execución ou a Biblioteca Estatal, con consignación orzamentaria para este ano.
Abel Caballero subliñou otras cuestións logradas, como a apertura da ETEA aos vigueses e as novas dotacións xudiciais, o rexistro e o Xulgado Mercantil para este ano 2009. Destacou igualmente o rexedor a aposta polo incremento da atención social aos máis desfavorecidos como unha prioridade na acción de goberno.
A cobertura sanitaria, "o deporte e a cultura para todos", e o emprego tomaron un papel relevante na exposición e o alcalde aseverou que creouse en 2009 máis de 2.000 empregos -entre o Plan Municipal de Emprego e o Plan E do Goberno de España- mentres que no 2007 foi dunha décima parte.
A sostenibilidade foi outro alicerce básico na presentación, comezando pola nova depuradora impulsada, as novas ordenanzas e campañas cidadás como o Camiño a Camiño, e a renovación da rede de saneamento
Abel Caballero destacou o impulso recibido polo turismo, en especial coa aprobación por primeira vez dun Plan de Competitividade Turística e a creación da Fundación Vigo Conventio Bureau. Outros logros acadados nestes dous anos foron a mellora do transporte e a "prioridade" municipal da educación, principalmente coa aprendizaxe activa do inglés nas aulas e no estranxeiro.
O tenente de alcalde, Santi Domínguez,subliñou que "por riba de discrepancias puntuais que poden existir", este é un "goberno eficaz, unido, sólido e vertebrado arredor dun proxecto de cidade, que quedou ben definido no pacto de goberno que asinamos as dúas forzas políticas". Neste sentido explicou que aínda que é un goberno con "distintos puntos de vista", ten unha mesma realidade, que é "traballar para a xente".
"Non é unha tarefa doada, pero sinceiramente penso que nestes dous anos temos avanzado moito e ben neste camiño", salientou Dominguez. Ao seu xuízo, esta andaina ten sido posible posto que se ten levado a cabo "co convencemento de que é o único traxecto posible para facer de Vigo a cidade que todos e todas queremos".
Santi Domínguez salientou que é preciso "afondar na transformación da cidade, das zonas emblemáticas como o Casco Vello"; pero tamén afirmou a necesidade de "dar respostas claras á crise e aos sectores máis desfavorecidos", estando ao carón dos traballadores e traballadoras e apoiando aos sectores produtivos. Ademais, defendeu o traballo a prol dunha cidade "cos mellores servizos e cunhas infraestruturas acordes coa primeira cidade de Galiza".
Neste futuro para Vigo, que segundo o tenente de alcalde a cidade debe encarar "con ambición", fixo un chamamento ao Partido Popular "para que veña connosco" e que "traballe por esta cidade propoñendo iniciativas e non marchando dos debates". Para Santi Domínguez, é preciso que o PP "non se agoche cando teñamos que reivindicar ao goberno da Xunta os grandes proxectos desta cidade".
Descargar todas as imaxes
No transcurso da presentación no Centro Social Caixanova, Abel Caballero repasou os principais logros do goberno vigués no ecuador do mandato, salientando a aprobación dun Plan Xeral co 43% de vivenda de protección oficial para os vigueses, a rehabilitación e dinamización social do Casco Vello, e as humanizacións, "a maior transformación da historia" con un centenar de rúas de Vigo humanizadas distribuidas por toda a cidade, e non só polo centro.
No capítulo de infraestruturas, o alcalde incidiu na chegada da Alta Velocidade a Vigo directo por Cerdedo, a consecución da entrada soterrada á cidade e non en zanxa, e a nova estación intermodal de Urzáiz, diseñada por Thom Mayne. Salientou tamén Abel Caballero o impulso recibido ás conexións viarias (autovias a Porriño e Pontevedra, principalmente); e o "aeroporto de primeira" cunha nova terminal en marcha, o aparcadoiro e a creación dun comité de rutas para Peinador unicamente existente en Barcelona.
O alcalde subliñou outras consecucións demandadas pola cidade como o Auditorio Pazo de Congresos en execución ou a Biblioteca Estatal, con consignación orzamentaria para este ano.
Abel Caballero subliñou otras cuestións logradas, como a apertura da ETEA aos vigueses e as novas dotacións xudiciais, o rexistro e o Xulgado Mercantil para este ano 2009. Destacou igualmente o rexedor a aposta polo incremento da atención social aos máis desfavorecidos como unha prioridade na acción de goberno.
A cobertura sanitaria, "o deporte e a cultura para todos", e o emprego tomaron un papel relevante na exposición e o alcalde aseverou que creouse en 2009 máis de 2.000 empregos -entre o Plan Municipal de Emprego e o Plan E do Goberno de España- mentres que no 2007 foi dunha décima parte.
A sostenibilidade foi outro alicerce básico na presentación, comezando pola nova depuradora impulsada, as novas ordenanzas e campañas cidadás como o Camiño a Camiño, e a renovación da rede de saneamento
Abel Caballero destacou o impulso recibido polo turismo, en especial coa aprobación por primeira vez dun Plan de Competitividade Turística e a creación da Fundación Vigo Conventio Bureau. Outros logros acadados nestes dous anos foron a mellora do transporte e a "prioridade" municipal da educación, principalmente coa aprendizaxe activa do inglés nas aulas e no estranxeiro.
O tenente de alcalde, Santi Domínguez,subliñou que "por riba de discrepancias puntuais que poden existir", este é un "goberno eficaz, unido, sólido e vertebrado arredor dun proxecto de cidade, que quedou ben definido no pacto de goberno que asinamos as dúas forzas políticas". Neste sentido explicou que aínda que é un goberno con "distintos puntos de vista", ten unha mesma realidade, que é "traballar para a xente".
"Non é unha tarefa doada, pero sinceiramente penso que nestes dous anos temos avanzado moito e ben neste camiño", salientou Dominguez. Ao seu xuízo, esta andaina ten sido posible posto que se ten levado a cabo "co convencemento de que é o único traxecto posible para facer de Vigo a cidade que todos e todas queremos".
Santi Domínguez salientou que é preciso "afondar na transformación da cidade, das zonas emblemáticas como o Casco Vello"; pero tamén afirmou a necesidade de "dar respostas claras á crise e aos sectores máis desfavorecidos", estando ao carón dos traballadores e traballadoras e apoiando aos sectores produtivos. Ademais, defendeu o traballo a prol dunha cidade "cos mellores servizos e cunhas infraestruturas acordes coa primeira cidade de Galiza".
Neste futuro para Vigo, que segundo o tenente de alcalde a cidade debe encarar "con ambición", fixo un chamamento ao Partido Popular "para que veña connosco" e que "traballe por esta cidade propoñendo iniciativas e non marchando dos debates". Para Santi Domínguez, é preciso que o PP "non se agoche cando teñamos que reivindicar ao goberno da Xunta os grandes proxectos desta cidade".