María Méndez expresa o seu compromiso de incrementar as axudas de libros, material escolar e comedor no curso 2009-2010
A Concelleira de Benestar Social, María Méndez, manifestou este venres o seu compromiso de incrementar o número de axudas para libros, material escolar e comedor para o curso 2009-2010 destinadas ao alumnado de centros escolares públicos e privados concertados de Educación Infantil (segunda etapa), Educación Primaria e Secundaria Obrigatoria. A edil así o expresou na presentación do resultado da convocatoria correspondente ao curso escolar que comeza o vindeiro mes.
"Este ano constatamos un aumento das solicitudes presentadas, polo que tendo en conta a situación de crise económica, podemos pensar que para o seguinte curso, manterase esta tendencia", explicou María Méndez. Neste sentido sinalou que no curso 2007-2008 foron 1.605 os alumnos e alumnas que solicitaron as axudas, mentres que para o curso 2008-2009 foron un total de 1.718 os alumnos e alumnas que presentaron a solicitude. Así, a concelleira nacionalista subliñou o seu compromiso de incrementar o número destas axudas co obxectivo de "axudar as familias que máis o precisan".
A responsable de Benestar Social explicou que o orzamento global para as axudas de libros, material escolar e comedor ascendeu a 400.000 euros, dos que para comedor destináronse 370.000 euros, e para libros e material escolar os 30.000 euros restantes, "tendo en conta que para outros tramos escolares, xa está implantada a gratuidade dos libros", precisou. Ademais, María Méndez sinalou que do total de solicitudes, o 77 por cento corresponde a escolares de nacionalidade española (1.250 alumnos e alumnas), mentres que o 23 por cento responde corresponde a inmigrantes, sendo Bolivia, Uruguai, Brasil, Arxentina e Venezuela, por este orde, os cinco países de procedencia maioritarios.
En canto ás axudas para libros e material escolar, a edil do BNG explicou que foron 601 as solicitudes recibidas, correspondentes a 660 alumnos ou alumnas, das que foron concedidas 360 correspondentes a 400 alumnos e alumnas. Houbo un total de 187 solicitudes denegadas correspondentes a 201 alumnos e alumnas, debido á que as persoas solicitantes superaban os ingresos máximos esixidos (141), non aportaron a documentación requerida (38), presentaron a solicitude fora de prazo (5), non estaban empadroados (2), ou a matrícula realizouse nun centro privado sen concerto (1).
Polo que respecta ás axudas de recibíronse un total de 1.044 solicitudes correspondentes a 1.600 alumnos ou alumnas; delas concedéronse 523 axudas correspondentes a 857 alumnos e alumnas. A contía máxima que percibirá cada un dos escolares será de 41 euros mensuais. As axudas denegadas suman 249 solicitudes correspondentes a 340 alumnos e alumnas, e os motivos foron superar os ingresos (174), non aportar a documentación requerida (59), presentar a solicitude fora de prazo (10), non estar empadroados (4), realizar a matrícula nun centro privado sen concerto (1), o centro elixido non conta con servizo de comedor (1).
Descargar todas as imaxes
A responsable de Benestar Social explicou que o orzamento global para as axudas de libros, material escolar e comedor ascendeu a 400.000 euros, dos que para comedor destináronse 370.000 euros, e para libros e material escolar os 30.000 euros restantes, "tendo en conta que para outros tramos escolares, xa está implantada a gratuidade dos libros", precisou. Ademais, María Méndez sinalou que do total de solicitudes, o 77 por cento corresponde a escolares de nacionalidade española (1.250 alumnos e alumnas), mentres que o 23 por cento responde corresponde a inmigrantes, sendo Bolivia, Uruguai, Brasil, Arxentina e Venezuela, por este orde, os cinco países de procedencia maioritarios.
En canto ás axudas para libros e material escolar, a edil do BNG explicou que foron 601 as solicitudes recibidas, correspondentes a 660 alumnos ou alumnas, das que foron concedidas 360 correspondentes a 400 alumnos e alumnas. Houbo un total de 187 solicitudes denegadas correspondentes a 201 alumnos e alumnas, debido á que as persoas solicitantes superaban os ingresos máximos esixidos (141), non aportaron a documentación requerida (38), presentaron a solicitude fora de prazo (5), non estaban empadroados (2), ou a matrícula realizouse nun centro privado sen concerto (1).
Polo que respecta ás axudas de recibíronse un total de 1.044 solicitudes correspondentes a 1.600 alumnos ou alumnas; delas concedéronse 523 axudas correspondentes a 857 alumnos e alumnas. A contía máxima que percibirá cada un dos escolares será de 41 euros mensuais. As axudas denegadas suman 249 solicitudes correspondentes a 340 alumnos e alumnas, e os motivos foron superar os ingresos (174), non aportar a documentación requerida (59), presentar a solicitude fora de prazo (10), non estar empadroados (4), realizar a matrícula nun centro privado sen concerto (1), o centro elixido non conta con servizo de comedor (1).