A Xunta Local de Goberno de Vigo adxudicou este venres o contrato para redactar o proxecto de mellora da piscina municipal de Teis, gravemente deteriorada tras o incendio. Así o anunciou o alcalde ao explicar que a situación actual da infraestrutura require unha “reconsideración total”.
O alcalde de Vigo, Abel Caballero, e o presidente da Federación Española de Tríatlon, José Hidalgo, presentaron no Concello a dobre cita internacional, Copa do Mundo de tríatlon paralímpico e Copa de Europa de tríatlon, que se celebrará na cidade a fin de semana do 1 e 2 de xuño con Samil como epicentro e o patrocinio da administración municipal.
O Concello suma outras 8 novos murais artísticos aos 177 instalados en toda a cidade. A aprobación do X Programa de pintado de medianeiras e outros elementos verticais foi adoptado este venres polo goberno municipal.
Abel Caballero celebra que a Universidade de Vigo sexa elixida polo Goberno de España para acoller unha das Cátedra Chip. O Goberno adxudicou case 5 millóns de euros para formación e investigación a través do Plan de Recuperación, Transformación e Resiliencia dotado cos fondos europeos Next Generation EU.
O Comedor da Esperanza e a Asociación Vida Diga contarán en 2024 con 31.685 euros máis para atender ás persoas sen recursos, xa que o goberno municipal aprobou este venres aumentar a dotación económica que reciben as dúas ONG para afrontar a subida do prezo dos subministros e da alimentación.