Caballero urxe a ampliar o Ifevi para a consolidación de Conxemar en Vigo
O forte impacto que xera a feira de Conxemar na economía e o emprego urxe a poñer en marcha a nova ampliación do Instituto Feiral de Vigo, Ifevi. Así se expresou este mércores o presidente do consello do Consorcio de Zona Franca, Abel Caballero, no acto de presentación do informe que reflicte que a cita internacional dos produtos do mar conxelados xera un volume de negocio de 750 millóns de euros. Neste escenario expresou o apoio do seu goberno a reclamación sectorial do aumento da superficie do recinto feiral para afrontar a competencia nacional e internacional.
