Logo do apagado da iluminación da cidade, Abel Caballero fixo balance destas semanas nas que non se rexistraron incidencias e nas que “funcionou moi ben a coordinación entre os controladores na rúa e o control das cámaras” para supervisar o aforo.
Abel Caballero advertiu este luns de que os datos da expansión do coronavirus na cidade de Vigo e na súa área sanitaria indican un novo repunte. “Temos que extremar as precaucións”, sinalou antes de amosar a súa preocupación pola existencia de pequenas festas en domicilios particulares.
O tráfico quedará cortado desde mañá martes 12 de xaneiro nas rúas Lepanto, Alfonso XIII e no acceso á AP9 para comezar a derruba do paso elevado e as obras de execución do túnel de entrada á estación. As alternativas para acceder á autoestrada son as seguintes: túnel de Beiramar, Isaac Peral, Praza San Lourenzo ou Bos Aires.
O Concello conta cada ano cun estudo que avalía a calidade do tráfico en corenta percorridos. Sobre o exercicio anterior, o 2020 reflicte un avance de 34 a 37 itinerarios con circulación boa ou moi boa, segundo trasladou este luns o alcalde. Dos tres restantes, dous víronse afectados polas obras da Gran Vía, xa finalizadas.