venres, 19 xuño 2020

Amaral traslada o seu concerto en Castrelos a agosto do 2021 e ofrecerá este verán un acústico no Mar de Vigo

venres, 19 xuñ 2020

O alcalde confirmou este venres que Amaral actuará en agosto do ano 2021 no Auditorio de Castrelos. Trátase dun novo cambio no programa Vigo en Festas 2020 afectado pola pandemia do Covid-19. Ademais, o grupo zaragozano tamén ofrecerá un concerto acústico este 19 de xullo dentro da programación do Festival TerraCeo no Auditorio Mar de Vigo.

As cidades reclaman o recoñecemento legal dos custos de tramitación do Ingreso Mínimo Vital

venres, 19 xuñ 2020

O alcalde de Vigo e presidente da FEMP, Abel Caballero, participou na tarde deste xoves nunha reunión co ministro de Inclusión, Seguridade Social e Migracións, José Luís Escriva. As entidades locais pediron que a lei recoñeza os gastos que lles ocasiona a súa tramitación. Caballero informou que o Concello atendeu esta semana a unhas 4.000 persoas.

O alcalde saúda ao alumnado do Colexio Miralba

venres, 19 xuñ 2020

O alcalde de Vigo, Abel Caballero, mantivo este venres unha vídeo conferencia co alumnado do Colexio Miralba (Jesuitinas) na que os escolares de 4º de Primaria realizaron varias peticións, como a conversión de VigoZoo en centro de recuperación de fauna. O rexedor tamén animou aos máis pequenos tras a súa etapa de confinamento nos domicilios pola pandemia de Covid-19.