Abel Caballero e Carmela Silva inauguraron este mércores un novo tramo de carril-bici operativo, o que discorre entre a Praza Independencia e o cruce de Venezuela con Gran Vía. Deste xeito, avanza un proxecto que conta cun orzamento de 4,5 millóns, dos que 3,5 proceden de fondos da Deputación de Pontevedra.
O mes de novembro foi un mes positivo para o desemprego en Vigo, con 648 parados menos que o ano pasado. O sector servizos foi o que máis contribuíu a esta mellora con 200 desempregados menos.
Segundo os datos que facilitou este mércores o rexedor, a noite pasada houbo 31 prazas vacantes nos albergues da cidade, 6 no municipal e 15 no da Fundación Santa Cruz.
Abel Caballero visitou este mércores o Colexio Plurilingüe Niño Jesús de Praga onde coñeceu os proxectos educativos sobre a cidade de Vigo que levan a cabo o alumnado das aulas infantís. Os máis pequenos recibiron ao alcalde no salón de actos e o acompañaron nun percorrido polo centro educativo para explicarlle os traballos que realizan con Vigo como temática central.
"O máxico Nadal de Roque e Cíes en Vigo" é o título dun conto para nenos que acaba de publicar a editorial Lobito Bueno co apoio do Concello e que se distribuirá polos colexios da cidade.