O vehículo inclúe o lema "Cíes, Obxectivo Patrimonio da Humanidade" xa que as illas son "o reclamo máis importante da cidade", asegura o alcalde. O bus dará servizo ata mediados de setembro en horarios de 10,00, 12,00, 16,30 e 18,30 horas e a bordo os turistas dispoñen de audioguías en inglés, francés, italiano e portugués.
Abel Caballero recibiu este venres a persoas con mobilidade reducida e representantes dos taxistas da cidade para informalos sobre o programa municipal de bono taxi que, cun orzamento de 25.000 euros anuais, concede axudas de entre 100 e 300 euros aos beneficiarios, en función da súa renda.
O Auditorio Mar de Vigo acollerá o luns 24 de xullo o concerto do grupo colombiano Morat, unha actuación enmarcada na programación de Festas en Vigo 2017. No cartel deste ano tamén están Miguel Bosé, Carlos Vives e Crystal Fighters, ademais da segunda edición do Festival Illas Cíes.
O alcalde apoiou este venres coa súa sinatura a proposta impulsada por un colectivo de docentes, que recollen firmas ante o MARCO para respaldar unha Proposta Non de Lei no Parlamento de Galicia en favor de que a filosofía se manteña como materia troncal en 2º de Bacharelato.
Coa colaboración de Vitrasa e a Policía Local, estará en funcionamento dende mañá sábado 17 de xuño entre as 19:30 e as 22:00 horas para facilitar a volta ao centro dende a zona de praias da cidade.
O concelleiro de Deportes, Manel Fernández, presentou hoxe a Bandeira Concello de Vigo de traiñeiras, que se celebrará este domingo 18 no Vao (12:00 horas) co patrocinio municipal. Once tripulacións de toda Galicia (e Asturias, Castropol) pelexarán polo triunfo.