O alcalde avanzou este luns que a finais de xuño elevará o proxecto "Illas Cíes Patrimonio Medioambiental da Humanidade" ao goberno autonómico para a súa tramitación ante o Ministerio de Cultura. Abel Caballero volveu requerir á Xunta que se sume á proposta viguesa, que xera "unanimidade total neste territorio".
A Porta do Sol será testemuña o próximo mércores 14 de xuño do concerto co que a cidade vai reclamar a conexión por alta velocidade a través da variante de Cerdedo. Así o anunciou esta mañá o alcalde quen cualificou de "tomadura de pelo" a proposta da Xunta e do Goberno Central de que os vigueses vaian a Madrid a través de Santiago.
A Xunta de Goberno Local aprobou a clasificación de ofertas provisional para contratar a redacción do proxecto de execución das obras que permitirán percorrer a Gran Vía, entre as rúas Lepanto e Nicaragua, en dous minutos e medio mediante unhas cintas móbiles.
Abel Caballero percorreu este luns as instalacións do centro, situadas no barrio de Navia, apuntando a súa "forma espléndida de funcionamento" ao tempo que poñía en valor as 620 prazas en oito escolas infantís que subvenciona "cun importante nivel" o Concello. Durante a visita, o alcalde respondeu á curiosidade do alumnado polo seu traballo e o día a día do funcionamento municipal.
Abel Caballero anunciou este luns a primeira das actuacións pechadas polo Concello para este verán, dentro do programa "Vigo en Festas 2017". Miguel Bosé actuará o 25 de xullo no Auditorio do parque de Castrelos.