venres, 13 xaneiro 2017

Inicio do programa de divulgación "Música na Escola"

venres, 13 xan 2017

A concellería de Educación inicia unha nova edición do programa de divulgación musical "Música na Escola" no que participarán 49 centros educativos e máis de 2.500 alumnos e alumnas. O programa consiste en concertos didácticos por parte do profesorado da Escola municipal de música e da Escola municipal de música folk e tradicional e que se desenvolverá as próximas dúas semanas no Auditorio municipal, en horario de 12,00h a 13,00h. O primeiro dos concertos didácticos terá lugar o luns día 16 e será gravado por un equipo formado por alumnado e profesorado do IES Audiovisual de Vigo.