O anuncio fíxoo Abel Caballero este xoves logo de reunirse con representantes da CEP, da Cámara de Comercio e do Club Financeiro, así como con responsables da dirección de Citroën, en dous encontros nos que atopou un "consenso xeneralizado" sobre o procedemento a seguir empregando o Plan de 2008 como elemento central do urbanismo vigués.
O alcalde de Vigo anunciou hoxe xoves que manterá este sábado un encontro cos seus homólogos e homólogas de Nigrán, O Porriño, Gondomar, Tui, A Guarda, Vilaboa, Mondariz e Fornelos, xunto aos primeiros tenentes de alcalde de Ponteareas e Moaña. O luns, Caballero reunirase cos rexedores de Ponteareas e Salceda e o martes, cos máximos responsables de Cangas, Moaña e Tomiño.
O judo vigués encherá de ilusión, exhibición e competición o pavillón das Travesas este domingo dende as 11:30 horas grazas á XXIII Festa do Judo Infantil, que cinco anos despois volta ao complexo deportivo que o viu nacer en 1993.
Durante toda a semana do 14 ao 18 de decembro, as escolas municipais de música e artes escénicas dependentes da Concellería de Educación do Concello de Vigo (Escola municipal de música de Vigo -EMMV-, Escola municipal de música folk e tradicional -ETRAD-, Escola municipal de danza -EMD- e Escola municipal de teatro -EMT-), farán a súa aportación ao ambiente deste Nadal na rúa do Príncipe, ao carón do MARCO, mediante pequenas actuacións de formacións propias de cada escola.
O Concello vén de abrir <i>transparencia.vigo.org</i>, un novo espazo onde a cidadanía pode solicitar información e acceder a un amplo catálogo de datos municipais. Con 95 puntos sobre 100, Transparencia Internacional concedeu a Vigo a mellor nota das cidades galegas, superando ademais a urbes como Valladolid ou Madrid.