A Corporación validou hoxe venres a concesión da Medalla da Cidade ao conxunto do sector naval, "que representa o mellor da tradición obreira nesta cidade", dixo o rexedor. Na mesma sesión plenaria ratificáronse as sete persoas ou institucións que este ano serán Vigueses Distinguidos.
O alcalde visitou este venres os traballos de demolición do antigo restaurante As Dornas, en Samil, obra iniciada hai unha semana e que concluirá nun prazo estimado en 3 meses. Caballero anunciou que o mobiliario en bo estado será entregado aos comedores sociais que o precisen.
Correspondente a 2014, o Concello aprobou este venres a concesión de 291.000 euros aos centros de Educación Infantil e Primaria de Vigo para que os propios consellos escolares efectúen obras de mantemento ordinario nos colexios. A Xunta de Goberno Local acordou asemade aprobar o convenio para a realización da Reconquista, cun incremento da achega municipal total ata os 85.000 euros.
Seis carreiras organizadas desde o próximo domingo 23 de marzo e o 12 de outubro contarán coa participación de máis de tres mil nenos e nenas. O Concello colabora, un ano máis, na organización do programa de crosses escolares de Vigo co obxectivo de fomentar o atletismo, unha actividade física "educativa e saudable".
Así o ratificou este venres o alcalde, despois de reunirse cos responsables da organización da que será a terceira edición deste certame de corda, que este ano pasa a converterse en internacional ao incorporar a Portugal. Indicou Caballero que os gañadores participarán nun concerto da viguesa Orquestra 430.