Dúas mocións sobre o aeroporto vigués foron debatidas e aprobadas este luns polo Pleno. Ambas, presentadas e votadas por socialistas e nacionalistas coa negativa do PP, reclaman o mesmo trato para Peinador que reciben Alvedro e Lavacolla no tocante ás subvencións. Vigo ten o único aeroporto galego que non recibe apoio público.
O informe do estado de execución orzamentaria do primeiro trimestre de 2013 deixa un saldo de 10 millóns de apoio a entidades da cidade, 62 millóns adxudicados en servizos e 10,3 millóns comprometidos para obras. Así o revelou a edil de Economía e Facenda, Raquel Díaz, no Pleno da Corporación deste luns.
Os votos de todos os grupos políticos deron luz verde na sesión plenaria de hoxe luns a solicitar á Concellería de Fomento a posta en marcha dun Plan de asfaltado e mantemento das rúas da cidade. A moción foi defendida pola concelleira popular Teresa Cendón.
Socialistas e nacionalistas esixiron hoxe á Xunta de Galicia que os fondos do Plan Concertado sexan aportados proporcionalmente. A concelleira Isaura Abelairas defendeu un texto, que contou co voto contrario do PP, no que socilita coñecer o número de dependentes existentes na cidade de Vigo.