O Concello coopera na mellora da calidade de vida dunha das rexións máis pobres de Nicaragua
A concelleira de Política de Benestar, Isaura Abelairas, compareceu este mércores en rolda de prensa para dar conta do resultado dun proxecto de cooperación en Nicaragua para a construción de 11 vivendas para otras tantas familias e para a formación da poboación local, realizado a través do Fondo Galego de Cooperación, do que Abelairas é vicepresidenta. A pesar da crise "seguimos mantendo o compromiso cos países máis desfavorecidos", indicou.
