O Goberno local espera para o xoves as conclusións dos técnicos municipais de Medio Ambiente sobre a visita que realizaron a catro depuradoras de Barcelona. Estas valoracións poden servir, xunto con outros informes, de base para un acordo plenario que determine as liñas de actuación para solucionar o problema da depuradora do Lagares.
O comité do proxecto "Conta con Elas" da Mancomunidade da Área Intermunicipal de Vigo, presidido pola concelleira Lucía Molares, reunirase o xoves por primeira vez para analizar ás actividades que se están a desenvolver e a programación de actividades para o ano 2006.O Proxecto dedícase a promover a igualdade de oportunidades entre homes e mulleres e apoiar a eliminación da segregación no traballo no territorio da Mancomunidade.
O Servizo de Normalización Lingüística organiza cursos obradoiros de ortografía galega, adaptación normativa e lexislación lingüística. As actividades, de carácter gratuíto, están dirixidas á cidadanía en xeral e celebraranse os meses de setembro e outubro no Edificio Asefal na na Biblioteca Central.