A xunta de voceiros, na súa reunión de hoxe, acordou constituir tres comisións municipais para estudiar e facer un seguimento de proxectos do Goberno, entre os que figuran o estudio do borde litoral, o convenio con Zona Franca relativo a proxectos urbanos e desenvolvemento social, o convenio Vigo 2005 e a Volvo Ocean Race.
A Corporación Municipal acordou ofrecer como obsequio da cidade ao enlace matrimonial da S.A. o Príncipe Felipe e Dona Litizia Ortiz, unha camelias de 16 anos de idade da especie Oranda-Ko.
O concelleiro delegado de Vigozoo, José Manuel Couto, anunciou que o próximo sábado un de maio o zoolóxico abre as súas portas de maneira gratuíta para que os visitantes poidan coñecer as instalacións.
A Casa das Artes de Vigo acolle dende hoxe unha mostra itinerante da exposición "Galiciadixital" que estará aberta ao público ata o 9 de maio en horario de 11.00 ás 14.00 horas e de de 18.00 ás 21.30 horas e que promove a consellería de Cultura, Comunicación Social e Turismo, en colaboración co Concello de Vigo e Telefónica, entidade patrocinadora do Xacobeo 2004.
A Escola Municipal de Danza do Concello, un ano mais, celebrará unha actuación no auditorio municipal do concello con motivo do Festival dos Reencontros. O acto celebrarase o venres , 30 de abril ás 20 horas.