Pérez Mariño entrevistouse co conselleiro de Obras Públicas, Política Territorial e Vivenda, Alberto Núñez Feijóo, para tratar temas pendentes de colaboración entre as administracións autonómica e local.
O alcalde, Ventura Pérez Mariño, afirmou que Vigo necesita reforzar o seu liderazgo político e económico na apertura do "Foro 2003 da economía galega" que se celebrou no Centro social de Caixanova. Mariño apostou tamén por crear "unha nova fronte marítima da cidade e da área urbana, física-urbanística, loxística, manufactureira, cultural e ambiental".
O Centro de Artesanía Tradicional e a Casa do Cesteiro da Concellería de Patrimonio Histórico asisten ó VI Encontro de Embarcacións Tradicionias de Galicia que se celebra do 3 ó 6 de xullo na Illa de Arousa.
Iníciase en Vigo o terceiro encontro de cooperación transnacional Proqualitas, organizado polo Proxecto Compás da Agrupación de Desenvolvemento Equal Área Metropolitana de Vigo. Este encontro ten como finalidade principal a exportación ou a adopción de novos enfoques de traballo no eido do emprego.