O Concello podería participar no programa de cooperación da OEI a partir de 2008
O Concello de Vigo podería participar a partir de 2008 no programa de cooperación internacional da Organización de Estados Iberoamericanos (OEI) apoiando iniciativas no campo da educación en varios dos seus países membros. Así o anunciou o alcalde, Abel Caballero, tras reunirse co secretario xeral da OEI, Álvaro Marchesi.
Neste sentido, Caballero mostrou a súa preferencia por algún país iberoamericano que conte cunha nutrida colonia en Vigo, entre os cales mencionou a Arxentina, Uruguai e Perú. Trataríase, segundo argumentou o alcalde, de devolverlles a estes países parte dos beneficios que a presenza dos seus cidadáns en Vigo reporta ao desenvolvemento local.
Caballero adiantou que para concretar as condicións da colaboración a concelleira de Educación, Laura López-Atrio, se porá en contacto coa Secretaría de Organización da OEI. Finalmente, o alcalde asegurou non desbotar "unha partida concreta de Alcaldía ou de Educación" en 2008 para financiar esta axuda.
Descargar todas as imaxes
Caballero adiantou que para concretar as condicións da colaboración a concelleira de Educación, Laura López-Atrio, se porá en contacto coa Secretaría de Organización da OEI. Finalmente, o alcalde asegurou non desbotar "unha partida concreta de Alcaldía ou de Educación" en 2008 para financiar esta axuda.