Escoitar

”Vigo, cidade de concertos” trae a Miguel Ríos ó pavillón das Travesas

martes, 22 xan 2002
imx1010.jpg
Domínguez e Abelairas
”Miguel Ríos e as estrelas do rock latino” é o título do espectáculo que ofrecerá o cantante o 30 de xaneiro no pavillón das Travesas, dentro do programa ”Vigo, cidade de concertos” organizado polas concellerías de Festas e Animación Sociocultural e Xuventude e Deportes.

Os concelleiros Santiago Domínguez e Isaura Abelairas sinalaron o compoñente virtual deste concerto que achegará a presencia de Joaquín Sabina, Manolo García, Quimi Portet, Rosendo, Maná, El Tri, Fito Paez, Charly García, Aterciopelados e La Ley.

Poranse á venda 2.500 entradas e crearase un auditorio acondicionado no contorno do pavillón, coa eliminación das gradas laterais. As entradas véndense en Discos Elepé e Discos La Columna por 12,02 euros (2.000 pesetas).


Máis información

Descargar todas as imaxes