Escoitar

Continúa o programa do circuito teatral por barrios ” Vigo a escena”

venres, 11 xan 2002
imx967.jpg
A programación do mes de xaneiro do circuito teatral ” Vigo a escena” comezará mañá sábado coa representación de obras das compañías Teatro Avento e Sísifo Teatro. O programa organizado pola concellería de Festas e Animación Sociocultural levase a cabo nos locais de asociacións culturais e veciñais da cidade.

Dez representacións teatrais percorrerán os escenarios de Val do Fragoso, Santa Mariña de Cabral, Monte da Mina de Castrelos, Emilio Crespo de S. Paio de Navia, Atlántida de Matamá, CSCR de Beade, San Xoán Poulo e Auditorio Municipal.

” Vigo a escena” trata de amosar ós espectáculos de cinco compañías da cidade e dar a coñecer o teatro que se está facendo en Vigo.

O Teatro Avento representarán a obra ” Papá e mamá están ben” no auditorio municipal o día 12 de xaneiro ás 20.30h. e na A.VV. de Santa Mariña de Cabral o 20 ás 19h. Este mesmo grupo representará ” Boas noites, mamá” no escenario do Monte da Mina de Castrelos o día 27 ás 20.30h.

” ¿Qué...? é o título da peza que porá en escena Sísifo Teatro o día 12 de xaneiro ás 19h. no CSCR de Beade: o día 18 ás 20.30h. no auditorio municipal, e o día 26 ás 19 horas na A.VV. San Xoán Poulo.

Máscara Produccións representará ” Malandros” na Asociación Emilio Crespo de S. Paio de Navia o día 19 ás 20.30 horas e no SCD Atlántida de Matamá o 26 de xaneiro ás 22 h.

” Tres de Ionesco” será a obra que o Teatro Aforo representará na A.VV. Val do Fragoso o día 26 ás 20.30 horas. O mesmo día e a mesa hora no auditorio municipal Dobre Xiro subirá a escena coa obra ” Situacións”.

Descargar todas as imaxes