Tres minutos de silencio polas vítimas dos terremotos en Venezuela
Tras os devastadores terremotos sufridos en Venezuela, o rexedor vigués convocou ás 12:00 horas desta mañá tres minutos de silencio na Praza do Rei, na que participou a Corporación Municipal. O alcalde transmitiu o pesar da cidade ante esta traxedia e trasladou "unha aperta de agarimo a todo o pobo irmán de Venezuela, a todas as venezolanas e a todos os venezolanos alí en Venezuela, aos que están nesta cidade e en tantos lugares; que sintan o noso afecto, que sintan a nosa proximidade nun momento tan duro e tan difícil".
