O alcalde salienta o investimento en vivenda por parte do Goberno de España
Abel Caballero acudiu acompañado do delegado do Goberno, Pedro Blanco, ás obras de vivenda de Navia nas que o Goberno de España achega máis de 10 millóns de euros para 207 vivendas. Tamén asistiron o delegado da Zona Franca, David Regades, o subdelegado do Goberno, Abel Losada, e as tenentes de Alcaldía, Carmela Silva e María José Caride.
O alcalde puxo en valor o investimento en vivenda por parte do Goberno de España na zona de Navia, onde se está a investir 10,1 millóns de euros para 207 viviendas, a través do Plan de Recuperación, Transformación e Resiliciencia dotado cos fondos europeos Next Generation EU.
"Cada vivenda ten aproximadamente un 25% do coste da vivenda subvencionado polo Goberno de España", dixo Caballero na súa visita ás novas construcións. Amais, destacou as axudas recibidas para a rehabilitación, das que Vigo recibiu 6,4 millóns para 12 barrios e case 1.000 vivendas.
O alcalde lamentou que o goberno autonómico só construíse desde o ano 2009 en Vigo 62 vivendas con algún tipo de protección, mentres que a cidade rexistra máis de 7.000 peticións de viviendas públicas. "Esixo á Xunta lealdade institucional e dicir quen achega recursos. Pola nosa banda, queremos que o Goberno de España siga a investir en Vigo".
Tamén lembrou Caballero que o novo PXOM prevé varias zonas para vivenda protexida e que o goberno local xa está a traballar co SEPES e o Goberno de España para desenvolver estes ámbitos.
Tren mercadorías
O alcalde informou amais de que o BOE publica hoxe o anuncio do ADIF da licitación para a renovación da vía nos tramos comprendidos entre as estacións de tren de Guillarei, Redondela e Vigo por 8,3 millóns de euros.
