Vigo rexistra unha ocupación media hoteleira do 46% no mes de marzo

O alcalde deu conta dos datos de ocupación hoteleira do mes de marzo, no que Vigo rexistrou un 46% de media. Segundo explicou Abel Caballero, isto supón case un 1% máis que o ano pasado. A estancia media dos turistas en Vigo achegouse aos dous días.

España segue a ser o principal emisor de turismo cara a Vigo, sendo estas persoas o 47% do total. Do resto de Galicia chegan o 20% de persoas e o 39% vén do resto do mundo. Dos internacionais, os portugueses son os principais visitantes de Vigo. O alcalde destacou a chegada de turistas de Estados Unidos, representando o 5% dos internacionais. Reino Unido achégase tamén a esta porcentaxe e os italianos supoñen o 4%.

“Vigo é a cidade turística máis importante de Galicia”, concluíu o rexedor.