Escoitar

O goberno de Vigo licita o mantemento dos cemiterios por 1,6 millóns de euros

O Concello inviste 400.000 euros ao ano no mantemento dos cemiterios municipais A empresa prestará servizo de limpeza, acondicionamento, conservación e mantemento integral dos oito cemiterios municipais. Amais, a Xunta de Goberno deu luz verde ao Plan de Emerxencias de Zamáns.

martes, 1 abr 2025

Abel Caballero informou da licitación da prestación do servizo de mantemento integral dos cemiterios municipais de Beade, Bembrive, Cabral, Candeán, Lavadores, Pereiró, Teis e Zamáns, para que estean nas mellores condicións para a visita das familias.

O contrato terá un orzamento de 1.637.400 euros e inclúe os exercicios de 2025, 2026, 2027, 2028 e 2029, o que significa que o presuposto anual será superior aos 400.000 euros.

Tal e como recolle o prego, a empresa deberá realizar os labores de mantemento en todo o ámbito dos cemiterios municipais en tarefas como son a limpeza, traballos de xardinería e labores de conservación. Tamén se inclúe o coidado de todos os elementos non vexetais, mobiliario urbano e tarefas necesarias en camiños e paseos dentro de perímetro do cemiterio.

Plan de Emerxencias Zamáns

O alcalde tamén informou da aprobación da encomenda a Aqualia para a redacción do Plan de Emerxencias do encoro de Zamáns. “Inclúe o Plan de Emerxencias, a súa execución en dous anos desde a súa aprobación e actuará con un centro de control de emerxencias, instalación de sistemas de avisos á cidadanía e material divulgado”, explicou.

Descargar todas as imaxes