O programa de primavera do Festival Sinsal ofrece tres concertos de artistas internacionais
O alcalde presentou hoxe o programa de primavera do “Festival Sinsal” . Conta con tres concertos dos artistas internacionais Joseph Keckler, "Chemtrails" e "Bombataz", entre os meses de abril e maio.
Abel Caballero detallou este martes o programa de concertos do “Festival Sinsal” programados no Museo Marco e na Sala Radar os días 15 e 30 de abril e 3 de maio para o que o COncello achega 7.000 euros.
O primeiro concerto, que se desenvolverá no MARCO, estará protagonizado polo estadounidense Joseph Keckler. Este artista foi sinalado polo diario The New York Times como “un talento extraordinario que rompe as barreiras convencionais”.
O segundo concerto, programado na Sala Radar, estará a cargo da banda do Reino Unido "Chemtrails", liderada por Mia Lust. Ofrecerá un concerto de post-garage-punk e power pop psicodélico.
A última actuación será a cargo dos belgas “Bombataz”. Presentarán na Sala Radar o seu último traballo discrográfico “Baby dry my tears”.
Desde hoxe están á venda as entradas para os tres concertos na plataforma dixital Enterticket.