Vigo consolida niveis históricos de ocupación dos hoteis en setembro cun 81,2 por cento na fin de semana
Vigo volveu superar o 80 por cento de ocupación media dos hoteis ao rexistrar esta pasada fin de semana o 81,2 por cento do total da oferta. A cidade consolida datos históricos en setembro, “coas cifras máis altas que tivemos nunca nesta época”, remarcou hoxe Abel Caballero.
Os sucesivos rexistros de ocupación hostaleira, tanto durante os meses de xullo e agosto, como no presente de setembro, consolidan a Vigo como unha “potencia turística en España”. Así o recalcou este luns Abel Caballero ao trasladar que esta pasada fin de semana os hoteis da cidade contabilizaron unha ocupación do 81,2 por cento co que se manteñen os bos datos nun mes que arrincou co 89 por cento.
“Seguimos batendo récords de afluencia turística”, afirmou o rexedor.